2023 ж. қаңтар айының 16-сы күні 3 «Б» сыныбында Жаксыбаева Роза Муратовна «Дүниетану» сабағын «Ағаш – тамырымен, адам – отбасымен мықты» нақыл сөзімен бастады. Роза Муратовна оқушыларға отбасы, үйі, жақындары туралы жылы әңгіме ұйымдастыра білді. Шәкірттер жұмбақтарды жасырды, кластер құрады, өлең оқыды. «Туған үй» әнін орындау да орынды болды. Осы тақырыптағы иллюстрациялық жұмыстар балаларды «Бақытты балалық шақ» әлеміне баурап алды. Ұмытылмас ережелер, өмірдегі ең бастысы - әр адамның үйі мен отбасы екенін осы сабақта нақты ұғып, есте сақтады.